Текст песни Алибек Тамбиев - Дин къазауат

Музыка и стихи народные, Альберта Узденова.

Турчу, Аубекир, сюйген тенгим,
Келчи былай къатыма.
Атланайыкъ узакъ джолгъа,
Минчи тору атынга...

Джашла миниб атларына
Узакъ джолгъа кетерге,
Салам бериб къартларына,
Дин къазауат этерге,

Ай да джарыкъ чыкъгъан эди,
Джулдузла да джылтырай.
«Сау кёрейим, балам» - деди
Къарт анам да, къалтырай.

Айтдым: «Анам, сен джылама,
Сюрт джыламукъларынгы.
Дин къазауатха барама,
Излеме къабырымы.

Мени къабырым боллукъду
Кенг тюзде не таулада.
Къоркъма, анам, къалмаз къаным
Тамчысы да джаулада!».