Текст песни Марьяна Алботова - Кавказ Таула

Кавказ таула
Ой, Кавказ таула, мийик, ариудула,
Бизни деменгили къалабыз.
Сиз да джылагъыз, ой биз да джылайбыз
Сизден айырылып барабыз.
2
Узакъ айырылыб, кетиб а барабыз,
Ёмюрден джашагъан тауладан,
Биз ёлгенлеге, ой да бош джылайбыз
Ала насыплыла сауладан.
3
Стаауат сакълагъан бизни итлерибиз,
Ызыбыздан къараб, улуйла.
Джарым сагъатха уллу Къарачайгъа
Къаллай джарыкъ элле къуруйла.
4
Ийнеклерибиз къалып а кетдиле,
Эшиклери ачылмай, ёкюре.
Машинагъа миниб, кетиб а барабыз,
Ызыбызгъа къараб, ёкюне.
5
Москвадан келген къызыл командирле,
Тёгерекни алыб, санайла.
Бу къыйынлыкъланы бизге джетгенине
Таула, ташла бары джылайла.
6
Ала уа джыламай, къалай да этсинле,-
Кетдиле дууачы къартлары.
Къазахстанда джангыз бир джылгъа болгъанды
Бу джарлы къартланы артлары.
7
Бизни къартларыбыз джаталла, ой, Аллах.
Алай-джаназысыз, дууасыз.
Межгитлерибиз а къалыб а кетдиле.
Ма бу байрым кюнде джумасыз.
8
Бери келгенли да, ой бир кёп болгъанды,
Ой, Аллах, джюрек де джарала.
Аналары ёлген ёксюз сабийлени
Мында казнагъа да алалла.
9
Айтыр сёзлерим а, ой, бир да кёпдюле.
Айтып къолумдан а келмейди.
Мында ёлгенлеге ачдан ёлгенд дейле
Аджалсыз киши да ёлмейди...