Текст песни Алим Газаев - Боз булутла

Боз булутла къачгъы джелге бойсуна
Барадыла къыблы таба шымалдан

Чырмалалла Минги Тауну бойнуна
Кеб мычымай, къарайдыла башындан

Булутлагъа тирелмезге кюреше
Деу садакъны учу кибик тизилиб

Бир биринден хапар биле, селеше
Къалмасын дей онгсузуракъ юзюлюб

Сиз учасыз къыбла таба, турнала
Саукъа эте, къанат къагъа, къычыра

Бир кезюуде кюн сокъгъанча зурнала
Джюреклеге такъырлыкъны чакъыра

Сизни къанат тюбюгюзде джуртугъуз
Ушамайды сизге мени джазыуум

Бюгюн къанат тюбюндеме джуртуму
Нек эскертед кесин озгъан джарсыум

Ким биледи энди сизни ненчагъыз
Къайтмай къалыр джаз бла бирге таулагъа

Сиз къайтыргъа таулада да ненчабыз
Кете бара, сукъланырла саулагъа...