Текст песни X-UPP - Сэргэлээх киэhэлэрэ

Ыллаа-ыллаа дуу, гитаара,
Эдэр саас арыалдьыта.
Лыҥкыр тыаскар уйдаран
Олоруоҕум чуумпуран

Санаабар тиллиэхтэрэ
Ааспыт кэм түгэннэрэ,
Сэргэлээх киэhэлэрэ,
Кыыс иэйиилээх күлүүтэ.

Хап-хара суhуохтар,
Буспут дьэдьэн уостар,
Уп-уhун кыламан, харахтар...
Тапталы таайсыhыы,
Киэhэтин атаарсыы,
Сатала суох симик уураhыы...

Сэргэлээххэ бу киэhэ
Саҥа ырыа дьиэрэйэр,
Эн хоскор оҕо кыысчаан
Тапталтан саатара

Эн биhи оҕо сааспыт
Ыллаан-туойан ааhыаҕа,
Харыстаабыт тапталбыт
Бу ырыаҕа ылланыа

Хап-хара суhуохтар,
Буспут дьэдьэн уостар,
Уп-уhун кыламан, харахтар...
Тапталы таайсыhыы,
Киэhэтин атаарсыы,
Көрсүөххэ диэритин арахсыы...

Ыллаа-ыллаа дуу, гитаарам,
Эдэр сааhым аргыhа.
Чуумпу хоспор чуҥкуйан
Санаабыт аралдьыта

Санаабар тиллиэхтэрэ
Ааспыт кэм түгэннэрэ,
Сэргэлээх киэhэлэрэ,
Кыыс иэйиилээх күлүүтэ...

Хап-хара суhуохтар,
Буспут дьэдьэн уостар,
Ханна саhан сүтэн хааллыгыт?
Эдэркээн кэмнэри,
Уол оҕо тапталын
Илдьэ барбыккытын билбэккит ...