Текст песни Валерий Шамов - Юл сер такмак-влак

Юлсер такмак-влак - Валерий Шамов.
Мутшо - Валерий Шамовын.
Семже калыкын.

Разрешенийым йодына,
Ломбо укшым тодылаш.
Лиеш моли, марий калык,
Тышке лектын муралташ?

Марий эрге мый улам,
Изиш йорга койышан.
Тынар в менгым кайымеке,
Такмак-влакем конденам.

Лийза-лийза тугерак,
Верым пуыза изишак.
Мый вет лектым муралташ,
Марий койышым ончыкташ.

Шерын шындем шем ӱпем,
Чиен шындем тувырем.
Семже почеш муралтем да
Эн йоргажым савырем.

Уремда ден каймем годым
Тышке-тушко ончалам,
Пеледалтше сад лонгаште
Йолташемым мый ужам.

Яндар йогын Вӱрзым вӱдшӧ
Виче дене вашлиеш.
Вургыжалше изи чонем
Йолташемым кычалеш.

Шӱшпык-влакын мурмышт дене,
Садернаже йонгалтеш.
Марий ўдыр мурен колта,
Ялна мучко шергылтеш.

Кӱшкӧ кӱзем - ош пыл лиям,
Ӱлко волем - мӧр лиям.
Ош йӱксӧ гай йолташемлан
Сылне мотор пар лиям.

Эх, кужу вет, кужу вет,
Тендан ялжын уремет.
Чевер мотор, мари ўдыр,
Каласал тый шке лӱмет.

Ош куэ гай авием,
Олмапу гай шӱжарем,
Ал пеледыш, йошкар роза,
Йӧратыме йолташем.

Тау лийже эр кечылан,
Тӱням ырыктымыжлан.
Тау лийже тыланда,
Мыйым ончаш толында.

Шӱшпык шӱшка, шӱшпык шӱшка,
Кеҥеж умыр кас годым.
Совым чотрак пералтыза,
Каен колтымем годым.