Текст песни Науар Боташев - Джаз

Музыка Мустафы Мамчуева, стихи Дагира Кубанова.

Таудан акъгъан къар сууланы аягъы
Ёзенлеге таууш этиб тюшеди.
Джазны джылы кюнлеринде
Чегетлени ичлеринде
Хар къанатлы уя этиб кюрешед.

Адам джюрек артыкъ да бек къууанад,
Джаз джылыуу къыш кийимни тештирсе,
Хар джаш адам ойнай, кюлед,
Джетген къызгъа къууанч келед,
Сюймекликден джангы хапар эштилсе.

Бюгюн кибик эсимдеди тюрсюнюнг,
Бетчигинге акъ нюрчюгюнг тёгюлюб,
Сени кёрсем балконунгда,
Аджашаем мен джолумда,
Эс ташлаем, джаным санга бёлюнюб...

Къууанч келди мен джашагъан юйге да,
Джолгъа чыкъгъан хапарынгы эштгенлей.
Атам, анам ёрге туруб,
Къобузчула къобуз согъуб,
Той башланды, сен арбазгъа киргенлей.

Хар адамгъа джарыкъ джашау тилейме,
Экибизге насыб была тюшгенча,
Бири бирин сюйюб, билиб,
Хар кюнде да ойнай, кюлюб,
Дуния джашау кетсин ариу тюшдеча!

Хар адамгъа джарыкъ джашау тилейме
Экибизге насыб была тюшгенча.
Бири бирин сюйюб, билиб,
Хар кюнде да ойнай, кюлюб
Дуния джашау кетсин керти ариу тюшдеча!