Lyrics Нур Мукасан - Махаббат Назы

Керегі қанша үлде мен маған бүлденің,
Біреудің қайтем бетіме қарап күлгенін.
Білмеді-ау маған ынтызар болған біреулер,
Менің де қолым бір саған жетпей жүргенін.

Алаулап атқан таңдардың
Бақыты болып самғар кім?
Өзіңе ғашық сезімді-ай
Жаным-ау жаңа аңғардым.
Өзіңе айтар жан сырым,
Ойлаған күнді арманым,
Жүректің ғашық сезімін
Ән қылып саған арнадым.

Арманы болып елестің,
Өзімнен-өзім теңестім,
Шын сүйсем егер де өзіңді-ай,
Кінәлі оған емеспін.
Жүректі жұлып алардай
Өзіңді сүйсем сенбес кім?
Сырымды айтып қалайын,
Өмірге екі келмеспін.

Көңіл ме, әлде сезім бе?
Берілген мәңгі адамға
Махаббат оты өшпейді-ай
Тіршілк мына ғаламда.
Жүректің ғашық сезімін
Қол жетпес биік арманға
Сырымды менің сезбесең,
Сыртыңнан ғашық болам да-ай.

Мөлдірей қарап көзіңе,
Аша алмай сырды өзіңе,
Ойлаумен сені аяулым
Таусылды бәлкім төзім де-ей.
Жырменен айтқан шумақтап,
Түсінші жаным сөзіме.
Қолымнан келген бақытты
Сыйладым, жаным, өзіңе-ей.