Lyrics Надежда Уткина - Колыбельная

Мар-о бен, пие, мар-о, пичие?
Мар тонэн луиз, ма ӥӧтӥз?
Кин тонэ исаз, умдэ кин талаз?
Кин тонэ, пие, сайкатӥз?
Шат пиньыд висе, я сюэд куасьме?
Я кӧтыд сюма, пиёке?
Я бен чалмытскы,я бен буйгатскы,
Мон тонэн татын, мусоке.
Припев:
Эн гинэ бӧрды, ялан тон эн гинэ бӧрды
Бур кар,эн бӧрды, пичие мынам
Чепыль эн кары, мусое вӧсь тон эн кары
Пилиськись лулме-сюлэмме...
2. Синдэ кынь али, умме усь али
Кӧл ни, изь ини, зарни бугоре
Тон эн курдатскы, тон эн кышкатскы
Мон тонэ уте, гыдыке.
Бурдъёсы вылам мон тонэ пукто
Быдэс уй тонэ веттало
Вань кӧшкемандэ, вань куректондэ
Сьӧд уйвӧтъёстэ улляло.
Припев:
Вай мон чуп каро, вай мон кӧс каро
Тынэсьтыд чагыр, мусо синъёстэ
Вай мон вешало, вай мон ӟыгырто
Чупало тонэ, мусое)