Lyrics Аскат Жетиген уулу - Сагынам

Жымыңдай жанган,
Жылдыздар карай,
Жылмайып эстейм... мм
Эсиңдеби андагы, алдыртан
Карегим карегиңе кадалган мүнөттөрдүн учкундары?!

Куш болуп кетсем дейм,
Учуп жетсем бейм!

(кайырма)
Сагынам сени, оуу, сагынам,
Сарысанаага салдың го!
Сабырым качты, канитем,
Сары оору басты!
Садагасы, аясаңчы!?

Мен сагынам!
Мен сагынам...
Карлыгачтай карааныңды жашырып,
Кайран торгойдун кайгысын ашырып,
Кайда жүрдүң!?
Көңүлүм күүлөнө, тим эле
кептердин канатында каалгып учат,
Капырай!
Эргүүгө салып учат...

Кадырыңа жетээрмин!
Кадырыңа! эээ

(кайырма)
Жаным, сагынам, ооу, абыдан,
Жароокер көздөрүңдү!
Жадырай күлсөң, ай
Жалжылдай түшкөн,
Жамалыңда жылдызыңа талпынам!

(кайырма)
Сагынам, оо, баарынан
Асылкеч өзүңдү!
Арзуулар жазам,
Аргамдын ай жогунан!
Аясаң-койсоң өзүң бил!
Мен сагынам... оо
Сагынам!