Lyrics Андрей Кузнецов - Манащми тус-тавансем.

Сӑвви Альбина Юратӑвӑн
Кӗвви Александр Павловӑн

Манӑҫми тус-тӑван

Кӗсье телефонне алла тытсассӑн
Тухаҫҫӗ куҫ умне тус-тӑвансем.
Сире аса илсе сывлатӑп ассӑн,
Леш тӗнчене ытла ир кайнисем.

Халь тин сире никам та тавӑраймӗ
Инҫетлӗхре вӗҫеҫҫӗ чунӑрсем.
Ҫут тунсӑхӑн вучахӗ лӑпланаймӗ,
Ытла та хӑвӑрт сӳнчӗҫ кунӑрсем.

Телефонпа чуна уҫса калаҫнӑ,
Шӳтленӗ, кулнӑ кӑмӑл туличчен.
Хӑш чух сиртен шӑнкрав кӗтсе кун каҫнӑ,
Текех калаҫас ҫук чунтан ирччен.

Час-час тӗл пулманнишӗн кулянатӑп,
Мӗн ма шелленӗ ӑш сӑмахсене?
Сире аса илсе ҫурта лартатӑп,
Хӗвел пулса ҫутатӑр кунсене.

Ытла яш кайнисем, кураймӑр ватлӑх,
Утма пӳрмен ҫӗр ҫийӗпе сире.
Кун-ҫулӑмра хуҫаланайтӑр хӑтлӑх,
Кӗтетӗп сирӗн вырӑна ире.

Ҫут ҫӑлтӑрӑн ҫӳл тӳперен сӑнатӑр,
Килетӗр ыр сунса тӗлӗксене.
Йывӑрлӑхра ҫула уҫса пыратӑр,
Ан манӑр ӗмӗрлӗх кайнисене!!!

хушса юрламалли:

Телефонтах упранччӑр шутлӑ номерсем,
Эп манас ҫук сире нихҫан, тус-тӑвансем,
Пурнатӑр манӑҫми асра, чунра куллен.
Сире чӗрсе эп пӑрахаймӑп чӗререн...