Lyrics Алексей Московский, Дипендра Мани - М

Эп килнĕ инçетрен
Непал çĕршывĕнчен.
Мĕнпе-ши тыткăнларĕ мана шур Шупашкар?
Эп çак тавралăха
Хисеп туни паха.
Пĕлетĕн: маншăн халĕ чăваш чĕлхи ют мар.

Хушса юрламалли:

Тĕрлĕ халăх хушшинче
Пултăр туслăх çеç хуçа.
Пĕр çĕр чăмăрĕ çинче
Ирттеретпĕр пурнăçа.

Ыр кăмăлтан мана
Чĕнен эс хăнана.
Паллах, пырса эп курăп çуралнă тăрăхна.
Епле унта Митхун?
Асра сăнарĕ ун.
Киносенчи чăн паттăр, манран салам ăна!