Lyrics Hannelore Bedert - Ol De Mens'n

begint ier nie te screm'n
da pakk'n ze ier nie
z'ent ier nie vo jankers
en zeker nie voor iemand gelik gie

begint ier nie te zegg'n
wa da'j d'er zelve over peist
d'er is ier en volgorde van klapp'n
en ge stoa zelfs nie ip de lijst

ol de mens'n zin ier vriend'lijk
mor in den bocht, go'd ied'reen ier rechtdeur
ol de mens'n zin ier vriend'lijk
mo 't e nie echt en niemand e da deur

geloof nie wa da ze zeggen
oh, ze lieg'n gelik de pest
't is ier om ter meest en om ter snelst
't is ier nie alleen beter, 't is ier best

ol de mens'n pakk'n ui eigen ier van u af
en niemand geeft doar ne red'n veur
ol de mens'n zin ier vriend'lijk
mo 't e nie echt en niemand e da deur
niemand e da deur

ge sloat uw and'n voor uw ogen
worde zo nen and're mens miskien
ge sloat uw and'n voor uw ogen
en ge peist da niemand u kan zien

geloof nie wa da'k zegge
miskien liege'k gelik de pest
hod u stil 't meeste van den tijd
dan is't ier wel gezellig vo de rest