Lyrics Ensemble Unicorn - Neidhart - Meie din liechter schin

Meie, din lither schin
und die kleinen vogelin
bringet vrouden vollen schrin.
Daz si willekomen swin!
ich bin an den vrouden min
mit der werlde krank.

Alle tage ist min klag,
von der ich daz beste sage
unde ir holdez herze trage,
daz ich der niht wol behage.
Von den schulden ich verzage,
daz mir nie gelanc,

also noch genuogen
an ir dienest ist gelungen,
die nach guoter wibe lone
hoveschlichen rungen.
Nu han ich beidiu umbe sust
gedienet unde gesungen.

Hochgemout, dar zuo fruot
ist an jungem manne gout.
Der vor schanden ist behout
und daz beste gerne tuot,
den begiuzet saelden fluot;
minnet werdiu wip,

furhtet scham: wibes nam
der enwirt dir nimmer gram.
ist er guoten wiben zam,
ist sin zunge an schelten lam,
so ist er aller tugende stam.
saelic si sin lip,

der daz lop behalte!
der ist ane missewende:
aller saelden saelic muoz
er sin unz an sin ende.
Diu liet ich der werlde
zeiner bezzerunge sende.

Alle tage ist min klag,
von der ich daz beste sage
unde ir holdez herze trage,
daz ich der niht wol behage.
Von den schulden ich verzage,
daz mir nie gelanc.