Lyrics Enheduanna - Nin me sara

nin me sar-ra
u dalla e-a

munus zi me-lim gur-ru
ki-ag An Uras-a

nu-geg An-na
SUH-kese gal-gal-la

aga zi-de ki-ag
nam-en-na tum-ma

me umun-be
su-sa du-ga

nin-gu
me gal-gal-la
sag-kese-bi
za-e-me-en

me mu-e-il
me su-zu-se mu-e-la
me mu-e-ur
me gaba-za bi-tab

usumgal-gen
kur-re us ba-e-sum

Iskur-gen
ki se gi-a-za

Asnan la-ba-si
-gal

a-ma-ru
kur-bi-ta e-de

sag-kal an ki-a
Inana bi-me-en

izi bar-bar-ra
kalam-e seg-ga

An-ne me sum-ma
nin ur-ra u-a
enim ku An-na-ta
enim du-du

biluda gal-gal-la
nig-zu
a-ba mu-un-zu?

kur gul-gul
u-de a ba-e-sum

ki-ag Ellil-la
kalam-ma ni mi-ni-ri

a-ag-ga An-na-ke
ba-gub-be-en

nin-gu
za-pa-ag-zu-se
kur i-gegurum-e

ni me-li u-lu-da
nam-lu-ulu

nig-me gar giri-bi
u-mu-re-gub

me-ta
meh us-bi
su ba-e-re-ti

i-dub ir-ra-ke
gal ma-ra-ab-taka

e A.NIR gal-gal-la
sila-ba mu-re-du

igi me-ta nig
ma-ra-ta-si-ig

nin-gu
a ni-za na zu
zu i-gu-e

u du-du-gen
i-du-du-de-en

u gu ra-ra-da
gu im-da-ab-ra-ra

Iskur-da se mu-
un-da-ab-gi-gi-in

im-hul-im-hul-da
im-da-kus-u-de-en

giri-za
nu-kus-u i-im-si

balag A.NIR-ra-ta
i-lu im-da-ab-be