Lyrics Василий Рочев - Еджыд лым

Еджыд лым, еджыд лым
Шебрлӧма мусӧ.
Сьӧлӧм пым, сьӧлӧм пым,
Мусаӧйлы муса.
Вайӧд сэтчӧ, тэрыб кӧр,
Шондіыс кӧн петӧ.
Асъя кыа, сьӧломшӧр
Олӧ менам сэтӧн.

Мыльк да сён, мыльк да сён
Паськыд ласта вомӧн.
Абу зон, абу зон,
Ӧдйӧысь код полӧ.
Вайӧд сэтчӧ, тэрыб кӧр,
Мусюрыс кӧн петӧ.
Югыд юрӧй, сьӧломшӧр
Олӧ менам сэтӧн.

Байдӧг лэб, байдӧг лэб
Олӧмыд кӧ дона.
Талун ме, талун ме
Тэрмася зэв ёна.
Вайӧд сэтчӧ, тэрыб кӧр,
Чумысь тшын кӧн петӧ.
Рытъя кыа, сьӧломшӧр
Олӧ менам сэтӧн.