Lyrics Хасан Хубиев - Морх элим

Музыка и стихи Хасана Хубиева.

Эй, туугъан элим!
Эй, сюйген джерим!
Сенсиз билмейме мен кесими.
Къайда болсам да,
Унуталмайма
Джанымча кёрген Морх элими.

Эй, къарлы таула!
Эй, шоркъа суула!
Ашыкъмай баргъан акъ булутла!
Сизге къарасам,
Мийик учалла
Мени джюрегимде умутла.

Бурма чегетле,
Субай терекле,
Эркин ёзенде кенг талала...
Шоркъа тауушла,
Мийик ауушла
Джюрекге рахатлыкъ салалла.

Сабий бешигим,
Ачар эшигим,
Биринчи атлагъан арбазым...
Учар къанатым,
Чабарыкъ атым,
Джарыкъ джашнагъан мени джазым.

Мен тансыкъ болуб,
Келиб къарайма
Сабийлигим ётген тийреге.
Адамлагъача,
Салам береме
Бизни орамдагъы юйлеге.

Эй, туугъан элим!
Эй, сюйген джерим!
Сени унутуб къоялмайма.
Къайда болсам да,
Келиб турсам да,
Ариулугъунгдан тоялмайма!