Lyrics Олёш - Велявтома Тольятти ошов

(«Возвращение в Тольятти» Митяевень моронть коряс)

Эрятано чиезь,
Ки рамси ки мии,
Ки сими, ки ярсы,
Монгак седе малав озан.
Эрян ды а каштан,
Мон марязенть таштан,
Паро ломань марто
Кинь перть седейшкава кортан.
Мон поездсэ ардан
Мон марязенть таштан
Паро ломань марто
Кинь перть седейшкава кортан.

Марян, -«Сочи ошось,
Тосо медень коштось,
Сэнде -сэнь менелесь
Ды ведесь --чиреть а неят»!
Кунсолока ялгай,
Тольятисэ валгат
Рав чиресэнть оштонть -
Тон седе мазый а муят.
Кунсолока ялгай,
Иля вант томбальга,
Рав чиресэнть оштонть -
Тон седе мазый а муят.

«Менди» апак жаля
Рязань ёндо алясь
Мазый дугинеденть
Валтнэстэ керкстни човалят!
Кунсолока ялгай
Тольятисэ валгат
Ды несы тейтертнень
Ды тестэ ковдак а туят.
Кунсолока ялгай,
Кува аульть яка
Эрзянь тейтерькадонть
Тон седе мазыйть а муят.

Вальматнесэ Равось -
Вайгельбешка кадовсь.
Пичень чинесь коштсонть
Ды манявомс ней кодаяк.
Ялгат, лелят --патят
Те вана Тольятти
Ды самай те ошсонть
Вечкемам ды ялгатнеяк!

(эрзянь кельс теизе Александр Болькин)