Текст песни Тенгиз Габаев - Сюймеклигим

Музыка и стихи Назира Жабоева.

Сюймеклигим джырлайды джыр джюрекден,
Къычыра сёзлени.
Кече озар, кюн да тиер, джарыта
Тауланы, тюзлени.

Азайгъанбыз къыйын джашау джоллада.
Сыналгъанбыз узакъ, къызыу къумлада.
Тас болмадыкъ, къорамадыкъ дуниядан...

Аллах, сакъла, джашау этдик джангыдан,
Таулагъа базына.
Ата Джуртну таб адетин салыргъа
Кюрешдик ызына.

Саулукъ болса, халкъгъа бирлик татайтыр.
Насыб кюнде миллетибиз да айныр,
Тюз ниет бла юлгю болуб арагъа.

Джаш тёлюге умут этиб, айтама
Тилекли сёзюмю:
Тик джоллада терс басмазгъа сен сакъ бол,
Ашыкъмай, тёзюмлю.

Джигит болур джерин сюйген джюрекден,
Адамлыгъыгъы чексиз халкъын кётюрген,
Ана тилин тас этмейин, джюрютген.

Аз болса да джюрекледе ётгюрлюк,
Джылыун табайыкъ.
Къыйналсакъ да, дуния, джарыкъ Аллахгъа
Термилиб къайтайыкъ!

Бу джашауда джокъду башха магъана.
Заман келгенд джарыкъ ёмюр къураргъа!
Минги Тауну къор болайыкъ санына!